Tourettesjúkdómur er taugasjúkdómur, sem stafar af ójafnvægi á boðefnaflæði í heila. Helstu einkenni eru svonefndir kækir, sem eru tilgangslausar en óviðráðanlegar endurteknar hreyfingar eða hljóð.
Það er engin lækning til við TS, en oft virðast einkennin minnka með aldrinum, þótt það sé alls ekki algilt.
Fimm sérfræðingar
Bókin er fyrir fjölskyldur barna og unglinga sem glíma við kvíða. Hún er einfaldur og skýr leiðarvísir um hvernig hjálpa má börnum og ungmennum að takast á við kvíða með rökhugsun og breyttri hegðun. Gefin eru gagnleg ráð til að glíma við vandann, með eða án sérfræðihjálpar. Kvíði er algengur meðal barna og unglinga en allt að ein af hverjum fimm manneskjum glímir við hamlandi kvíða einhvern tíma á lífsleiðinni.
Holly Niner
Sögubók fyrir börn um áráttu og þráhyggju. Kalli getur ekki farið að sofa á kvöldin fyrr en hann hefur gert eitt og annað. Hann lagfærir hár sitt og raðar bókunum á skrifborðinu sínu. Hann spyr foreldra sína spurninga sem hann veit í raun svörin við.
Mary Robertson og Uttom Chowdhury
Bókin lýsir Tourettesjúkdómnum (TS) og kækjum fyrir börnum og unglingum á skýran og auðskilinn hátt og útskýrð er líffræðileg orsök. Fjallað er um fylgiraskanir svo sem áráttu og þráhyggju, athygli og ofvirkni, árásarhneigð, hvernig er að búa með þeim sem eru með Tourette og hvernig systkini geta liðsinnt.
Amber Carroll og Mary Robertson
Greinagóð handbók sem veitir kennurum, fagfólki og starfsfólki í skólum þekkingu, skilning og færni við handleiðslu nemenda með TS. Fjallað er um læknisfræðilegar lýsingar og meðferð og gefin ráð varðandi greiningu og mat í skóla.
Mary M. Robertson og Simon Baron-Cohen
Bók þessi er nauðsynleg öllum þeim sem hafa Tourette sem og aðstandendum þeirra og er einnig gagnleg læknum, kennurum, og þeim sem vilja kynna sér Tourettesjúkdóminn. Fjallað er um orsakir þessarar röskunar, greiningu og meðhöndlun, auk þess sem algengustu spurningum um Tourette er svarað.
Dr. Jerry Wilde
Reiðistjórnunarbók ætluð börnum og unglingum, en er í raun góð lesning fyrir hvern sem er. Þetta er sögð áhrifarík bók gerð til þess að hvetja nútímakrakka til að ná tökum á reiði sinni áður en reiðin nær tökum á þeim!
Marilyn Dornbush og Sheryl Pruitt
Handbók fyrir kennara og foreldra barna með Tourettesjúkdóm (TS), áráttu- þráhyggjuröskun (OCD), athygli-ofvirkniröskun (ADHD) o.fl.þ.h. Fyrir kennara og foreldra barna með TS, OCD og ADHD er bók þessi alger nauðsyn!
Ýmsir höfundar
Lækkað verð eldri bóka – Pakki með 6 bókum á tilboði - aðeins 4000 krónur! Þær bækur sem Tourette-samtökin gáfu út fram til ársins 2011 eru hér allar saman á um helmingsafslætti.
